Ayah yang Luar biasa

AYAH YANG LUAR BIASA

Ada sebuah kisah yang mengharukan tentang hubungan seorang ayah dengan anaknya yang cacat sejak dari lahirnya. Sang ayah bernama Dick dan si anak bernama Rick. Dick dan Rick Hoyt adalah ayah dan anak, sekaligus salah satu tim yang ikut serta dalam sebuah pertandingan triathlon yaitu semacam marathon dengan rupa-rupa olah raga seperti lari yang berjarak 26,2 mil, ditambah bersepeda sejauh 112 mil, serta berenang 2,4 mil. Belum lagi mereka harus mendaki gunung dan lain sebagainya. Total keseluruhannya sekitar 3,735 mil.

Dick Hoyt,sang ayah yang berusia 65 tahun saat itu, mendorong dan menarik Rick yang hanya dapat duduk dibangku roda karena kondisi tubuhnya yang cacat. Sebenarnya, sejak Rick lahir Dick dan istrinya sudah mengetahui bahwa mereka akan memiliki anak yang cacat. Namun, mereka tetap menerima keadaan Rick.

Pada saat pertandingan triathlon ini akan diselenggarakan, Rick berkata kepada ayahnya apakah ia dapat mengikuti pertandingan itu. Dan tanpa ragu, sang ayahpun bersedia untuk mengikutinya. Jadilah mereka mengikuti pertandingan yang menghabiskan waktu sangat lama itu. Sepanjang pertandingan, Dick terus mendorong dan menarik Rick. Dick berjuang dengan sekuat tenaga berenang menarik Rick yang terbaring di dalam perahu.Dick berlari mendorong kursi roda Rick tanpa lelah, Dick menggendong Rick memindahkannya dari satu tempat ke tempat lainnya, mereka berdua melewati lika-liku perjalanan yang sulit ditempuh dengan waktu yang sangat lama. Ketika pertandingan usai, dan Rick ditanya mengenai perasaannya saat menjalani pertandingan bersama ayahnya, Rickpun menjawab,aku merasa seperti aku tidak cacat, dan aku ingin sekali membiarkan ayah yang duduk di kursi roda ini dan aku yang berlari mendorong dan menariknya.Ternyata, apa yang Dick lakukan menimbulkan dampak yang luar biasa bagi Rick. Memang, Dick adalah ayah yang luar biasa. Ia rela berlari, berenang, mendorong, menarik dan menggendong sang anak sepanjang medan pertandingan. Sekalipun anaknya memiliki keterbatasan, Dick terus ada dengan setia melewati keseluruhan pertandingan itu.

Kisah ini membuktikan kepada kita bahwa ada sebuah pengorbanan yang rela diberikan seorang ayah terhadap anaknya yang sangat terbatas. Ada seorang ayah yang punya cinta kasih yang begitu besar menerima sang anak dengan ketidaksempurnaan tubuh. Ada seorang ayah yang selalu mau berlari, berenang, mendaki, mendorong dan menarik tubuh sang anak untuk bersama melewati sebuah pertandingan dengan medan yang sangat berat dengan jarak dan waktu yang sangat lama. Ada seorang ayah yang menyatakan ia bersedia untuk bertanding bersama sang anak sekalipun ia tahu anaknya tidak dapat berbuat banyak. Ada seorang ayah yang tahu bahwa sang anakpun dapat bertahan dalam pertandingan itu, bahwa sang anak kuat untuk bertanding karena ada ayah disisinya yang dengan setia selalu bersamanya.

Acara Pesta Gotilon

ACARA PESTA GOTILON HKBP CINTA DAMAI

RESSORT CINTA DAMAI

Minggu 10 November 2013

01.    PANGGILAN BERIBADAH:

L    : Huria ni Debata na dihaholongan ni Tuhanta Yesus Kristus, dibagasan sadarion tung tama do hita mandok mauliate tu Debata, disaluhut pandonganion dohot pangaramotion ni Debata  di sude pardalan ni ngolunta. Di ari sadarion dipaloas Debata huria-Na, patupahon PESTA GOTILON, manghalashon pasu-pasu dohot denggan basa ni Jahowa dibagasan ngolunta. Saluhutna i tung asi ni roha ni Debata do i tu hita. Ala ni tapuji ma Tuhanta jala tasomba ma Ibana, taendehon ma “Sangap ni Jahowa”

J    : (mangendehon BE 581: “Sangap ni Jahowa”)

         Sangap ni Jahowa na sun timbul i, balga ni holongNa ndang tarasam i

          Dilehon AnakNa na sasada i, manobus hita jolma pardosa i

          Pujima Debata ale manisia, las roham, las roham somba ma Debata

          Dapothon Jahowa na sun timbul i, marhite AnakNa Tuhan Jesus i

 L   :  Tung so tarasam hita do balga ni holong ni roha ni Debata, dibagasan pardalan ni ngolunta, jala tung so hasuhatan do denggan ni basaNa. Antong haholongi ma Debata sian nasa roham, sian nasa ateatem dohot sian nasa pingkiranmu. Robe ma hamu tu adopanNa jala somba ma Ibana.

J    : (mangendehon BE 581: “Sangap ni Jahowa”)

          Tung so hasuhatan do basaNa i, marhite AnakNa ni lehonNa i

          MudarNa durus do di hau silang i, rara pe dosanta ias di baen i

          Pujima Debata ale manisia, las roham, las roham somba ma Debata

          Dapothon Jahowa na sun timbul i, marhite AnakNa Tuhan Jesus i

L    :   Dungi bahenonku ma nasida dohot angka na humaliang dolokdolokKu gabe pasupasu, jala ahu parohon udan di tingki halehettanna, gabe angka udan parpasupasuan do i. Jala lehonon ni hau di ladang do parbuena, jala lehonon ni tano i do gogona, jala marsonangsonang nasida di tanonasida i, ninna Tuhan Jahowa.

 J    : Mauliate ma rohanami tu Ho, ala diparmudu, diramoti jala dipasupasu Ho sude na tinompaMi marhite asi dohot holong ni rohaM. Sai suanhon jala patorang ma tu hami pasupasuMi marhite Tondi Porbadia i. Asa lam tau hami manjalo sude asi ni rohaM na godang i.

                                                   … jongjong …

J    : (mangendehon BE 581: “Sangap ni Jahowa”)

         Balga situtu pambaenMi Debata, tung so hasuhatan holong ni rohaM

           Tu jolma pardosa asi do rohaM, di ungkap, Ho dalan lao tu banuaM

          Pujima Debata ale manisia, las roham, las roham somba ma Debata

          Dapothon Jahowa na sun timbul i, marhite AnakNa Tuhan Jesus i

 02.    VOTUM – INTROITUS

L : Marhitehite goar ni Debata Ama dohot goar ni AnakNa Tuhan Yesus Kristus dohot Goar ni Tondi Parbadia na manompa langit dohot Tano on.

J   : Amen.

L : Olophon ma Jahowa, ale sandok tano on! Oloi hamu ma Jahowa marhitehite las ni roha, ro be ma hamu tu joloNa marhitehite olop-olop.

J   : Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsona dohot biru-biru pinarmahanNa.

L  : Bongoti hamu ma angka bahalNa marhitehite hamauliateon, angka alamanNa marhitehite pujipujian, mauliate ma roha muna tu Ibana, puji ma goarNa. Haleluya.

J      : (mangendehon:)

        Haleluya Haleluya Haleluya Puji Tuhan 2x

        Puji Tuhan Haleluya, Puji Tuhan Haleluya

        Puji Tuhan Haleluya, Puji Tuhan.

L : Martangiang ma hita: Ale Debata Amanami, mandok mauliate do hami tu Ho, di sude denggan ni basaM. Tung so tarasam do angka pambahenanMu, na mandongani dohot na mamasu-masu sude hami ruasMon. Sadarion dilehon Ho do las ni roha tu huriaM, na boi patupahon PESTA GOTILON. Tu Ho do hami pasahathon parsombaon nami, ala sian tingki tu tingki, lam mangerbang huriaMon dohot panghobasionNa. Dilehon Ho do sada ni roha di sude ruasMu jala didongani Ho do nang angka parhalado laho marhalado i huriaM. Antong sai sai saut ma harajaonMu dohot hamuliaonMu di huriaMon, dibagasan goar ni anakMu Tuhan Jesus Kristus si Palua hami. Amin.

                                                           — hundul —

03.    Marende : “O Tuhan Togu-togu Ma Au”

O Tuhan togu-togu ma au, tu dalan lomo ni rohaMi

Raphon Ho sonang mardalan au, nang rahis maol sidalananki

TondiMi baen manggohi au on, margogoihon au na posoMon

Pasangap Ho dingolungkon, paima sahat tu surgo au on

Ama : Panghulingi ma au o Tuhan, na rade tumangihon hataM

Ina   :  Sai tumpahi ruasMu Tuhan, na uasan nuaeng di hataM

Ama : Sai patau ma au on naposoM

Ina   : Manjou halak na dao sian Ho

Sude: Ro di na so tumanda Ho, muba gabe pangoloi di Ho

 04.     MANJAHA PATIK

L1 : Tangihon hamu ma patik ni Debata na nienet sian Mateus 5 : 16, songon on ma didok: Naeng songon i ma marsinondang palitomuna di jolo ni halak, asa diida angka pambahenanmuna na denggan i, asa dipuji nasida Amamuna na di banua ginjang i. Ima sahatna. Antong rap mangido gogo ma hita tu adopan ni Debata.

J    :   Ale Tuhan Debata sai pargogo I ma hami, mangulahon na hombar tu patikmi. Amin.

 05.    K o o r :

 06.    Marende BE.No. 182 “Tu Jolom O Debatangku”

          Tu Jolom o Debatangku, sai use do rohangkon

           Sai pasiat tangiangku, dohot iluilungkon

                                          — jongjong  —

           Husolsoli do rohangku nag ok doso i tongtong

           Ai godang ariaringku na hubahen ambolong

 07.    PANOPOTION NI DOSA DOHOT HASESAAN NI DOSA

L :  Huria ni Debata na nihaholongan ni Kristus. Dibagasan unduk dohot serep ni roha, ro ma hita tu adopan ni Debata. Tatopoti ma dosanta tu Amanta Debata, jala tapangido ma hasesaan ni dosanta, dibagasan goar ni Tuhan Jesus Kristus Parasi roha i. Martangiang ma hita dibagasan rohanta be.

                         (… tingki na hohom… musik mangendehon BE. 686)

L  : Ale Debata amanami na badia jala na gok asi ni roha, manang na piga hali hami ro tu adopanMu, huparhatopot hami do sude angka dosanami na godang i. Tung mansai jotjot do hami manirpang sian dalanMu, ndang huulahon hami lomo ni roham. Nuaeng ro hami tu joloM mangido asi ni rohaM: Sai sesa ma sude dosa nami jala unang paingotingot sude dosa nami na godang i. Unang ma pabalia hami sian adopanMu ale Jahowa, ala ni dosa dohot hajahaton nami. Alai marpamuati ma rohaM di hami. Huparhatopot hami do, jotjot do hami lilu songon biru-biru masitondong dalanna be. Asi ma roham di hami ale Debata, sesa ma sude dosa nami.

J   :    (mangendehon BE.No. 686:1 “Ramun do au”)

        Ramun do au di jolomi, gok dosangki urasi au

       O, Jesus birubiru i, dison do au patau ma au.

 L    : Ale Tuhan Debata, Amanami, Parasiroha na sumurung! Na pungu do hami di joloM martangiang tu Ho. Ndada mangasahon hatigorannami, na mangasahon as ni rohaM na godang i do. Sai asi ma rohaM mida sandok bangsonami, sesa ma dosanami saluhutna. Sai sungguli ma rohanami, asa muba roha dohot pangalahonami, ala ni Tuhan Jesus Kristus Tuhannami, sipangoluhami.

J    :   (mangendehon BE.No. 686: 2” Ramun do au”)

        Na ro do au tu joloMi, gale do au urupi au

       O, Jesus ala mudarMi, dison do au patau ma au.

L : Huria ni Debata naung manopoti dosa, nuaeng tabege ma hata bagabaga ni Debata, taringot tu hasesaan ni dosanta: Songon on do hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do sipalua ho. Hasangapon ma di Debata na diginjang.

 J    : Amin.

                                                   … hundul…

 08.    Marende, BE No. 467 “ Asi ni RohaM Hupuji”

 Asi ni rohaM hupu ji ala Ho manobus au.

 Di paias Ho rohangku, ga-be soranganMu Au.

 IngananMu rohanami. TondiMi manggohi i.

 Pangke dohot ngolunami gabe ulaulaMi.

        Sai papulik rohanami gabe pangoloi di Ho.

       Asa marsahala hami lao mangkatindangkon Ho.

       IngananMu rohanami. TondiMi manggohi i.

       Pangke dohot ngolunami gabe ulaulaMi

 09.    Koor:

 10.    MANJAHA EPISTEL: Poda 26 : 17 - 28

L     : Turpuk Epistel di Minggunta sadarion, ima na tarsurat di Poda 26 : 17 - 28, songon on ma didok disi: Manangkup pinggol ni biang do manang ise pamolus, molo pola piripirion ibana mida bada na so ro di ibana.

J      :  Songon halak na lalaen, na mamantomhon tulbu, sumbia dohot hamatean:

Ama   :           Songon i do baoa na mangansi kedanna, gabe didok muse: Nda na margait sambing do ahu!

Ina : Molo soada soban mintop ma api, jala molo soadong pangasung i mansohot ma parsalisian.

L     : Songon arang tu gara ni api, jala songon soban tu api, songon i do baoa parbadabada pasobu parsalisian.

J      : Hatahata ni pangasung i, hira hata pargaiton do i, hape torus do angka bilut ni pusupusu ditondong.

L     : Songon hudon na nilampis dohot taktak ni perak, songon i do bibir angka na marsigorgor mangumma, hape jat do anggo rohana.

J      : Marhitehite bibirna mangela pangiburu i, hape patahitahi sipaotooto do anggo rohana di bagasan.

Ama   :           Molo dipabasar ibana pangkulingna, unang ma porsea ho di ibana, ai pitu lampis do biasbias ni rohana di bagasan.

Ina   : Dihungkupi pe hosom ni rohana marhite sian ansiansi, hape patar do muse hinajahatna di bagasan luhutan.

J      : Manang ise na mangkali godung, laos ibana sandiri madabu tu bagasanna, jala marsibalik do batu tu halak na manggulangsa.

L     : Matua dila sipaotooto mangkosom halak na niropuhanna, jala pamangan na landit mambahen pargasipan. Ido sahatna. Martua ma halak na tumangihon hata ni Debata jala na umpeopsa.

J      : Amin

 11.    Koor:

 12.    Marende BE.No. 757 “Dipardalanan Jesus Dijolongku”

Dipardalanan Jesus dijolongku, Holong ni tanganMi manogu au

Nang di ngoluku Ho do sombaongku, Tung sonang mardalan raphon au.

Huboto do tangkas pangouonMu, Diiringiring Ho do langkangki

Sahat ro di ujung ni pardalanku, Togu ma au jonok tu lambungMi,

— jongjong —

Ama : Patogu ma Tuhan haporseaonku, Asa polin tu Ho manghirim au,

Ina  : Tu surgo I patulus pardalananku, TondiMi maringan ma di au.

Ama : Huboto do tangkas pangouonMu,

Ina : Diiringiring Ho do langkangki

Sude: Sahat ro di ujung ni pardalanku, Togu ma au jonok tu lambungMi,

 13.    MANGHATINDANGKON HAPORSEAON

L1 : Hamu angka dongan ! Rap dohot angka donganta sahaporseaon di sandok portibion, tahatindangkon ma hata haporseaonta I, rap ma hita mandok:

J    : Ahu porsea … dst.

— hundul —

14.    Koor:

15.    TINGTING + TANGIANG PANGONDIANON.

16.    Koor:

17.    Marende BE.No. 476 “Ndada Au Guru di Au”

(— pelean 1a & 1b —)

     Ndada au guru di au be, Jesus do nampuna au.

     Las rohangku dung hubege, Jesus sipangol au.

     Ndang  be au guru di au. Jesus na humophop au, Nampuna au.

     Tung saleleng au mangolu, Jesus do nampuan au.

     Ndang di au, Tuhan Jesus, daging dohot rohangki;

     Saluhutna hupasahat tu Ho, Jesus Tuhanki.

     Ndang  be au guru di au. Jesus na humophop au, Nampuna au.

     Tung saleleng au mangolu, Jesus do nampuan au.

— musik —

     Ulaonku nang artangku pangke ma baen sangapMi,

     Diusehon Ho mudarmu tung tanda do holongMi.

     Ndang  be au guru di au. Jesus na humophop au, Nampuna au.

     Tung saleleng au mangolu, Jesus do nampuan au.

 18.    JAMITA : Rom 12 : 17 - 21

 19.    Marende, BE. N0. 218 “Tong do Tau Haposan”

(— pelean II — )

Tong do tau haposan Tuhan Jesus I, Ala naung diporsan Do dosanta i

Hata nang dameNa Hangoluan ni, Angka na porsea Di hataNa i.

Hata nang dameNa Hangoluan I, Angka na porsea Di hataNa i

— musik —

Sai tong didongani Na porsea i, Jala ganup ari Ro basaNa i

Tu na so marganggu Di gogoNa i, Na mandok Tuhanku  Na sun denggan i

Tu na so marganggu Di gogoNa i Na mandok Tuhanku  Na sun denggan i

— musik —

Guru di Ibana Sude tano on,  Sintong do hataNa Na tu hita on

Asi ni rohaNa Na sumurung i Dipatongontongon Tu lomoNa i.

Asi ni rohaNa Na sumurung i Dipatongontongon Tu lomoNa i.

 20.    ACARA PESTA GOTILON:

Pdt   : Hamu ruas ni huria na nihaholongan ni Tuhanta Jesus Kristus! Nuaeng sahat ma hita tu acara PESTA GOTILON ni hurianta, laho manghalashon dohot manghamauliatehon denggan basa ni Jahowa. Antong dibagasan roha na mandok mauliate tu Debata, tapuji ma Ibana, taendehon ma BE No. 373 “Mangula Hita Jolma”

J      :  (mangendehon BE, No. 373: “Mangula Hita Jolma”)

           Mangula hita jolma Manabur boni i, Alai anggo jadina Di Debata do i

           Dilehon las ni ari, Nang nambur udan pe

           Tongtong di panumpakNa Marguru sasude

           Nasa ulibasa ro sian Debata, I pe Ibana puji ma Huhut haposi da.

(— ro ma tu jolo sude Parhalado —)

           Sai sian Debatanta do nasa na adong,

           Nang rihit sangkamata, Nang laut,nang tano on.

           Tinompa ni hataNa,  Do hau nang bulung I,

           Nang nasa parbuena, Nang bungabunga i

           Nasa ulibasa ro sian Debata, I pe Ibana puji ma Huhut haposi da.

Pdt   : Hamu dongan sahuria! Nunga i tajalo denggan basa dohot asi ni roha sian Jahowa. Ta okuhon do, saluhutna silehonlehon na denggan, nasa ulibasa na mauliutus, ima na ro sian ginjang. Dilehon do di hita parbueni tano, parbueni suansuanan dohot parbueni angka ulaonta. Saluhutna i nunga tajalo sian Jahowa. Antong nda tama ma hita mandok maulite tu Debata?

J      : Mauliate ma di Ho Tuhan, naung mangalehon parbue ni angka ulaonnami.

Pdt   : Didok hata ni Debata: Ingkon buatonmu ma sian patumonaan ni sandok parbue ni tano i, na dapot ho sian tanomi, naung nilehon ni Jahowa, Debatam tu ho, jala pamasuhonmu do i tu bagasan ampang, jala boanonmu do i tu inganan sipilliton ni Jahowa, Debatam bahen inganan di Goarna. Ingkon burju do lehononmu parpuluan sian nasa gogo ni tano, boni sinaburhonmi, sian saluhut na tubu di tanomi ganup taon. (5 Musa 26:2)

J      : Mauliate ma di Ho Tuhan, naung mangalehon parbue ni angka ulaonnami. Hupasahat hami ma i bahen pelean na hushus di joloM.

Pdt   : Antong! Taruhon hamu ma sintong parsampuluan i tu bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka pandiloan ni langit, jala mangusehon tu hamu gabe maradu marlobilobi. (Maleakhi  3:10)

 PASAHATHON SILUA: Ro ma sude ruas pasahathon silua

                                          (Amplop Pesta Gotilon)

 1. Marende BE. 848: “Dison Adong Huboan Tuhan”

     Dison adong huboan Tuhan, parbue ni ngolungku na so tardok nian

     Sadia ma argana Tuhan, Molo sai ni rajuman sude denggan basaM

     Jalo ma Tuhan, Sai las ma rohaM

             …musik  …    

2. Marende BE.No. 585 “Somba ma Jahowa”

     Somba ma Jahowa Debatanta Amen Haleluya

     Sigomgom langit tano on ro diisi na Amen Haleluya

     Beta hita lao, marsinggang tu joloNa

     Amen Haleluya na songkal jala na badia do Jahowa

     Amen Haleluya endehon Amen haleluya endehon

     Amen haleluya endehon Amen haleluya endehon

     Amen haleluya

— musik —

     Puji ma Jahowa Debatanta, Amen Haleluya

     Parasi roha na sumurung do Ibana, Amen Haleluya

     Taendehon ma goar ni Debatanta, Amen Haleluya

     Alani denggan ni basaNa tu hita, Amen Haleluya.

     Endehon; “Amen Haleluya, endehon Amen Haleluya

     Endehon Amen Haleluya, endehon Amen Haleluya”.

— musik –

     Sangap di Jahowa Debatanta, Amen Haleluya

     Na bonar jala marmulia do Jahowa, Amen Haleluya

     Tapatimbul ma goar ni Debatanta, Amen Haleluya

     Na tigor jala na sun gogo salelengna, Amen Haleluya

     Endehon; “Amen Haleluya, endehon Amen Haleluya

     Endehon Amen Haleluya, endehon Amen Haleluya”.

 Pdt   : Tadok ma mauliate tu Jahowa, ai pardenggan basa do Ibana, ro di saleleng ni leleng na do asi ni rohaNa tu hita. Nunga tapasahat siluanta tu huria-Na, songon parbueni angka na taula. Antong! Tangihon hamu ma hata ni Debata na mandok: Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan. Antong taharinggashon ma manghobasi huriaNa dibagasan dame, sada ni roha dohot holong ni roha. Jongjong ma hita

J       : (mangendehon BE No 435: “Morolopolop Tondingki)

            Tu Jesus sahat ngolungki, saleleng ni leleng na i

            Rap dohot au endehon ma, endengku na imbaru da

            Sonang ni tingkiiI, dung jumpang Jesus Tuhanki

            Tondi na mangajari au, tarbaen marlas ni roha au

            Sonang ni tingki i, dung jumpang Jesus Tuhanki

21.    TANGIANG PANUTUP: PELEAN – ALE AMANAMI – PASUPASU

Sulang_sulang Pahompu

ACARA PASAHAT SULANGSULANG HARIAPAN 

 DOHOT ULANGTAHUN 75 TAHUN Ny. Drs. W. MANURUNG br. SIAGIAN (Op. ANGELA BORU) Sabtu, 07 September 2013 di Jln. V No.13 Pulo Brayan Bengkel Medan.

Thema : “Mandok mauliate ma hamu di Jahowa, ai na basa do Ibana, ai ro di salelnglelengna do asi ni rohana i” Psalm 106:1.

I.          Acara  pasahat sulang-sulang:  (Pukul 08.00-9.45.)

1.         Marende Huria No: 309:1+4  “Raphon Tuhan Jesus i”

RAPHON TUHAN JESUS I PUNGKA ULAONMU;

INGKON TU IBANA I PARGURUHONONMU;

BAEN IBANA DONGANMI HEHE DOHOT MODOM,

DEGE MA BOGAS NA I, ROHAMI PAHOHOM.

HUPASAHAT MA ANTONG SALUHUT LANGKANGKU.

TU TUHANKU NA TONTONG MIAN DI ROHANGKU

MANANG AHA PE HUBAEN, HO HUPANGASAHON.

ALE TUHAN ! TULUS BAEN SALUHUTNA, AMEN.

2.         Martangiang laho manulangi.

3.         Pasahat Sulangsulang tu natuatuanami P.br. Siagian (Op. Angel boru)

a.         Keluarga T.P. Manurung SH./Dr.T. br. Sidabutar (A. Angela).

b.         Keluarga S.M. Manurung SH./Dra. R. Br. Sibarani (A. Yolanda).

c.          Keluarga Ir.T.M. Manurung/L. Br. Napitupulu, Amd. (A. Tessalonika).

d.         Keluarga Ir. P.H. Manurung/R. Br. Tampubolon, SE. (A. Wasti).

e.         Keluarga Ir. M. Siahaan/Dra.L. br. Manurung. (A. Ruth).

f.          Keluarga Pdt.G. Purba, S.Th./M. Br. Manurung, SH. (A. Grace).

g.         Keluarga B. Sianturi, Amd/Ir.B. br. Manurung. (A. Tasya).

4.         Pasahat hata Sipaingot, Poda dohot Hata Pasupasuan sian Natuatuanami tu sude Pomparanna.

5.         Hata Pangampuon sian na mewakili Anak, Boru, Pahompu.

II. Acara Kebaktian dohot Ulaon Nabadia (Pukul 10.00- 11.30)

1.        Hata Huhuasi sian Anak ni Jubilaris.

Wkl. Anak     : Hami sian Keluarga Pomparan ni dainang na mar Ulang tahun sadarion ima Op. Angel br. Siagian, pasahathon jumolo tu hamu sude na punguon: Horas ma di                      hita saluhutna.

Sude               : HORAS MA TUTU.

Wkl. Anak     : Mauliate ma hudok hami di haroromuna, amanami dohot inanami ala marneang ni langka do hamu manggohi gokhon dohot joujounami di las ni rohanami ala diloas Tuhanta hami pasahat sulangsulang tu natuatuanami, huhut rap                    manghalashon hita di Ulangtahun 75 taon Dainang on sadarion. Sisada tangiang ma hita tu Tuhanta, anggiat ma dilehon Tuhanta hahipason dohot ganjang ni                     umur di dainang on, jala dipasupasu Tuhanta hami sude pomparanna.

Sude               : IMA TUTU, TUHANTA MA NA MAMASUMASU.

2.       Joujou Mamuji Debata :     (L=Liturgis, J=Jubilaris, S=Sude)

L          :  Dibagasan las ni roha tapuji ma Tuhanta marhite Ende No:565:1+4.

S          : LAS ROHANGKU LAO MAMUJI DEBATA PARHOLONG I,

                SONGON BUNGA NA MANGERBANG DI NA BINSAR ARI I.

                ARSAK DOSA HAPORSUHON MAGO DIBAEN ASIMI.

                LAS NI ROHA NA MANONGTONG LEHON DI AU TUHANKI.

RAP MA HITA MANGENDEHON , SANGAP DI GOARNA I, TAPANGIAR SOARANTA LAO MAMUJI TUHANI. SUN DO HOLONG NI ROHANA NA SO MARNAMONTOK, I DO PASADAHON HITA SALELENGLELENGNA I.

3.       Votum /Introitus.

L          : Marhitehite Goaar ni Debata Ama, dohot Goaar ni Anakna Tuhan Jesus Kristus, dohot Goar ni Tondi Parbadia, na tumompa langit dohot tano on.  

                S          : AMEN.

                L           : Ida ma sai nolnol do mata ni Jahowa tu angka  na manghabiari Ibana.

S          :                  ANGKA NA MANGHALUNGUNHON ASI NI ROHANA.

L          :                  Sai dihalungunhon rohanami do Jahowa.

S          :                  IBANA DO PANUMPAHI DOHOT LOMBULOMBUNAMI.

L          :                  Ai mangasahon Ibana marlas ni roha do hami.

S          :                  MARHAPOSAN TU GOARNA NA BADIA I DO HAMI.

L          :  Sai pasonggop ma asi ni rohaM tu hami ale Jahowa, hombar tu panghalungunhon nami di Ho.     

S          : HABIARI MA JAHOWA HAMU ALE ANGKA NABADIANA.

L          : Ai ndang hurangan angka na manghabiari Ibana.

S          : ANTURAPARON JALA HALEONON DO ANGKA ANAK NI SINGA.

L          : Alai ndang hurangan di nasa na denggan angka na mangalului Jahowa.

S+L     : MANDOK MAULIATE MA HAMU DI JAHOWA, AI NA BASA DO IBANA, AI RO DI  SALELENGLELENGNA DO ASI NI ROHANA I

L          : Haleluya, martangiang ma hita. Ale Tuhan Debata, na so marmula na so marpansohotan, Debata na manongtong ro di salelengnilelengna. Na so olo suda do angka taonmu, jala ndang                  marparbolatan angka ariariM; alai jempek jala na gabur salpu do taonnami dohot ariarinami. Na marlas ni roha do hami sadarion, manghalashon denggan basa dohot asi ni rohaM, dilehon                 ho hahipason di angka ianakhon ni natuatuanami ro sian angka inganan nasida, dilehon ho ganjang ni umur di natuatuanami sadarion boi huhalashon hami 75 taon. Dibahen i pujonnami                  ma Ho ala ni sude dengganbasa dohot asi ni rohaM na pinatongonmu dingolunami, nang di ngolu ni natuatuanami, jala hiungot hami do i sadarion. Asi ma roham, sai lam tambai ma                  ragam ni pasupasumi di hami saluhutna. Pasupasu di ngolu pardagingon dohot partondion. Lehon ma hahipason dohot ganjang ni umur di natuatuanami on nang tu angka tingki na ro.                  Pasupasu ma nang sude anak dohot boruna di bagasan hahipason, gogo nang bisuk na sian Ho mangula angka ulaonna, nang di na pagodanggodang, mangajari dohot manogungu angka                 ianakhon na dipalumehon Ho. Rahut ma nasida saluhutna di bagasan holong, dame dohot hasadaon. Asi ma rohaM sesa ma nang sude dosanami, hami sama hami, lumobi maradophon                  Ho, asa tama hami gabe habaoran ni pasupasuM. Hupangido hami saluhutna i di bagasan Tuhan Jesus Kristus Tuhannami. Amen.

4.         KOOR  :

5.         Marende Huria No :753:1+3 “Di pardalanan Jesus di Jolongku”

Di Pardalanan Jesus Di Jolongku Holong Ni Tanganmi Manaogu Au.

Nang Di Ngolungku Ho Do Sombaonku, Tung Sonang Mardalan Raphon Au. Huboto Do Tangkas Panoguonmu, Diiringiring Ho Do Langkangki.

Sahat Ro Di Ujung Ni Pardalanku, Togu Ma Au Jonok Tu Lambungmi.

6.         Manjaha sian Psalm 23:1-6; 103:1-5.

L              : Jahowa do siparmahan ahu, ndang tagamon hurangan ahu.

S              :  DIPATONGON DO AHU TU JAMPALAN ANGKA NA LOMAK, DITOGUTOGU DO AU DI LAMBUNG AEK HASONANGAN.

L              : Dipasabam do rohangku, ditogu do ahu di dalan hatigoran, ala ni GoarNa i.

S              : AI NANG PE MARDALAN AHU DI RURA LINGGOMAN NI HAMATEAN, NDANG HUHABIARI PARMARAAN.

L              : Ai Ho do mandongani ahu, tungkotMu dohot batahiM mangapuli ahu.

S              : HO DO MANUTUP MEJA  DI JOLONGKU MARADOPHON ANGKA MUSUNGKU.

L              : Dimiahi Ho do ulungku, suksuk do panginumanhu.

J              : Tongon tahe denggan basa dohot asi ni roha mangihutihut ahu saleleng ahu mangolu, jala dung mulak ahu, masuhanku ma bagas ni Jahowa salelenglelengna.

L              : Puji ma jahowa ale tondingku, jala nasa rohangku di bagasan mamuji GoarNa nabadia i.

S              : PUJI MA JAHOWA ALE TONDINGKU, JALA UNANG TUNG HALUPAHON DENGGAN NI BASANA SUDENA.

L              : Ibana do manesa dosam sudena. Ibana pamalum  angka sahitmu sudena.

S              :  IBANA PALUAHON NGOLUM SIAN HAMAGOAN, IBANA MARTUMPALHON TU HO DENGGAN BASA DOHOT ASI NI ROHA.

J              : Ibana pamahap roham marhitehite denggan basa, asa mulak poso ho songon pidong rajawali.

L              : I do sahatna, martua do angka na umbege Hata ni Debata, jala na umpeopsa. Amen

7.         KOOR :

8.         Marende  Huria : 575 “Puji ma Debata na songkal”

PUJI MA DEBATA NA SONGKAL PASANGAP MA GOARNA

PUJI MA ANGKA RURA DOHOT LUNG, ANGKA DOLOK NA TIMBO

DOHOT HASAK NI GALUMBANG SUDE MAMUJI HO.

LANGIT I NA MANSA I HEMBANG, BINTANG I NA MANAI TORANG,

OMBUN I NA MANSAI SAKSAK PASANGAPHON HO O DEBATA.

TUNG SO OLO TADING AU LAO MAMUJI HO TUHAN,

NASA GOGO BAHENONKU LAO PASANGAPHON HO

RO DI UJUNG NI NGOLUNGKU  SAI PUJIONKU HO.

9.         Tangiang Pangondianon :

10.     KOOR :

11.     Marende Huria : 826 :1-2 “Gohi au Tuhan marhite HataMi”

GOHI AU TUHAN MARHITE HATAMI, GOHI AU TUHAN MARHITE HATAMI, SONGON HUDON NA  RUMAR DO AU TUHAN  DI SUMURMI,

GOHI AU TUHAN MARHITE HATAMI.

GOHI AU TUHAN MARHITE HATAMI, GOHI AU TUHAN MARHITE HATAMI,

NA MAUAS DO TONDINGKU O TUHAN DI HATAMI,

GOHI AU TUHAN MARHITE HATAMI.

12.     Jamita :

         Ulaon Nabadia:

13.     Marende Huria : 152 “Jesus na mamorsan”

         JESUS NA MAMORSAN DOSA NI PORTIBION PANGOLU HAMI.

         JESUS NA MAMORSAN DOSA NI PORTIBION PANGOLU HAMI.

         JESUS NA MAMORSAN DOSA NI PORTIBION

         SAI PASONANG HAMI, AMEN, AMEN, AMEN.

14.     Agenda HKBP.

15.     Marende Huria No : 153:1 “O Jesus naung Sineat”

         O JESUS NAUNG SINEAT DI HAU NA PINARSILANG,

         ROHAM TONGTONG DAULAT, NANG UJU HO TARHILANG.

         MARUTANG HOSA HAMI, DITAON HO DOSANAMI, ASI ROHAM O JESUS.

16.     Agenda HKBP.

17.     Marende Huria No:155:1+3 “Tuson ma Ho ale tondingku”

TUSON MA HO ALE TONDINGKU, DI NA MAUAS MALE HO.

MANJALO BASA NI TUHANMU PINARADENA I DI HO.

DILEHON JESUS DO DAGINGNA MAARHITEHITE ROTI ON,

HUHUT DILEHON DO MUDARNA, MARHITEHITE ANGGUR ON.

ASI ROHAM DI AU O JESUS, TUMPAHI AU SADARION,

AI HATAMI DO HUPATULUS, MANGANHON PARPADANAN ON.

ANTONG PATIUR MA ROHANGKU, MARNINGOT DENGGAN NI BASAM;

IMA NA TINAONMI DOSANGKU BINAEN NI HOLONG NI ROHAM.

18.     Marende Huria  No.9:1+6 “Hupuji Holong ni rohaMu”

         (Papungu Pelean tu PA.Betlehem).

HUPUJI HOLONG NI ROHAMU O TUHAN JESUS RAJANGKI,

TU HO HULEHON MA TONDINGKU, AI I DO PINANGIDOMI.

HUHALUPAHON MA DIRINGKU, MAMINGKIR HOLONG NI ROHAMU.

O JESUS UHIR MA GOARMU TORANG BAGAS TU ROHANGKON.

ASA TARSURAT DI JOLONGKU HOLONG NI ROHAMI TONGTONG.

HATANGKU RO DI PARANGENGKU, INGKON DIPUJI DO GOARMU. 

19.               Tangiang Panutup, Pasupasu, Amen, Amen, Amen. 

III. Acara Ulang Tahun 75 Taon Op. Angel br. Siagian. (Pukul 11- 12.45)

1.    Hata  Huhuasi : Protokol.

2.    Meniup Lilin dan Memotong Kue Ulang Tahun

3.    Pasahat Panindangion (Kesaksian) sian Jubilaris (Terlampir).

4.    Pasahat Hata Sambutan/Ucapan selamat Ulang Tahun sian :

a.         Mewakili Na mardongantubu.

b.         Mewakili Dongan sahuta/aleale.

c.          Mewakili Boru,bere/ibebere.

5.    Hulahula/Tulang Siagian    “marmeme” huhut pasahat Ulos.

6.    Tortor ni Jubilaris.

IV. Acara marsipanganon (Pukul 13.00).

-            Manutup acara marsipanganon.

-            Manjalo Tumpak.

         

V. Acara Tortor: (Laos Padalan parjambaran).

-            Dongantubu

-            Boru, Bere, Ibebere, Simatua ni boru.

-            Hulahula

-            Aleale/Dongan sahuta.

VI. Acara panutup/Hiburan :

Catatan : Acara boi dipauba mamereng tingki jala hombar tu ringkotna.  

Lampiran.

PANINDANGON NI JUBILARIS

RIWAYAT SINGKAT PARNGOLUON  DOHOT PARKAREJOAN NA HUBOLUS.

Patujolo.

Damang parsinuan di ahu margoar Sori Siagian,  sian Huta Banualuhu Sigumpar Kecamatan Silaaen Tobasa  jala dainang na tumubuhon ahu margoar Rebekka br. Panjaitan sian  Desa Simargala Kecamatan Silaen Tobasa. Tubu ni dainang 5 ma hami; 2 baoa, 3 boru. Ahu ma anak panggoaran sian 5 na marhahamaranggi dohot mariboto. Goarhu PINTA br. SIAGIAN, tubu ahu tanggal 5 September 1938.

Parsingkolaan na hubolus:

Tamat ahu SD sian SD Negeri Sigumpar. Tamat SMP sian SMP HKBP Seminarium Sipoholon. Tamat Sikola Bidan sian Rumah Sakit Umum Pematangsiantar taon 1963. Di taon 1964 marhasohotan ma hami dohot amanta  Drs. WiLMAN MANURUNG sian Pulo Gonting Lumbanjulu  di Gunung Sitoli Nias. Mabalu ma ahu di taon 2010 na salpu.

Parianakhonon di hami :

Dipalumehon Tuhanta do 7 ianakhon di hami; 4 baoa 3 boru.

1.         Dra.LISBETH MANURUNG (Nai Ruth), marhamulian  tu helanami Ir. MANAMBUAL SIAHAAN sian Janjimaria Kecamatan Silaen Tobasa. Ianakhonna 2 boru.

2.         MELVAWATY MANURUNG, SH. (Nai Grace) marhamulian tu  helanami Pdt. GAMES PURBA, S.Th. sian Doloksanggul Humbang Hasundutan, ianakhonna 6; sada baoa 5 boru.

3.         THOMSON PARLINDUNGAN MANURUNG, SH.(A. Angela) mangalap boru ni raja i Dr. TIAR br. SIDABUTAR Sian Ambarita- Samosir, ianakhonna 3; sada baoa, 2 boru.

4.         SAHAT MANGAPUL MANURUNG, SH (A. Yolanda) mangalap boru ni raja i Dra. ROMAULI br. SIBARANI sian Lumban Sibarani Porsea Tobasa, ianakhonna 4; sada baoa 3 boru.

5.         Ir. TORANG MARTUA MANURUNG (A. Tessalonika) mangalap boru ni raja i LISBET br. NAPITUPULU, Amd sian Soposurung Balige Tobasa, ianakhonna 3; sada baoa 2 boru.

6.         Ir. BINTANG TIURMA MANURUNG (Nai Tasya)  marhamulian tu  helanami BAIK SIANTURI, Amd sian Muara Tapanuli Utara, ianakhonna 3; sada baoa, 2 boru.

7.         Ir. POLTAK HASUDUNGAN MANURUNG (A.Wasti) mangalap boru ni raja i ROSITA ULINA br. TAMPUBOLON, SE sian Sibolga Tapanuli Tengah, ianakhonna 3, sada baoa, 2 boru.

         Asa pungu ma sude ianakhon dohot pomparannami :

                              Anak dohot Parumaen  8 halak.

                              Boru dohot hela             6 halak.

                              Pahompu                       24 halak.    

                              Pungu sude                 : 38 halak.

Ulaon dohot Parkarejoan na hea huhobasi :

1.         Taon 1963 – 1964 Bidan di Rumah sakit Umum Pematangsiantar.

2.         Taon 1964 -  1969 Bidan di Rumah Sakit Umum Gunung Sitoli – Nias.

3.         Taon 1969 -  1980 Bidan di Dinas Kesehatan Kotamadya Sibolga.

4.         Taon 1980 -  1991 Bidan di BKIA Matiti Kecamatan Doloksanggul.

5.         Taon 1991 -  1995 Bidan di Rumah Sakit Umum Porsea.

6.         Taon 1995     Pensiun sian Rumah Sakit Umum Porsea.

7.         Taon 1999     Pinda ma hami tu Medan on sahat tu sadarion.

Panutup.

Songon i ma saotik na boi hupajojor jala huhatindanghon di las ni rohanta sadarion di Ulangtahunhu na pa 75 taonhon. Godang do denggan basa dohot asi ni rohaNa na hujalo. Mauliate ma di Debata.  Songon nidok ni ParPsalm i dohononku ma: “Godang ma tongon na binahen ni Jahowa tu hita dibahen i marolopolop jala marhilas ni roha ma hita disi. Tangianghon hamu ma ahu asa  dilehon Tuhanta dope hahipason dohot ganjang ni umur di ahu tu tingki na ro, jala dipasupasu Tuhanta saluhut angka pomparannami.  Tatangiangkon ma tu Tuhanta : Iale Jahowa sai manumpak ma Ho, Iale Jahowa, sai Ho ma mambahen manjadi. Mauliate. Horas.    

                                                                                    Medan, 07 September 2013.

                                                                                    Jubilaris,