1. Hea do ra hita manghilala sai songon na dipasombu
Tuhan i hita manaon sitaonon na dokdok, isara ni kondisi na sangat kritis masa di
bagasan ngolunta na so boi be hita mengalului jalan keluar sian kondisi i,
halak Kristen do nian hita, hape laos so diurupi Tuhan i hita tahilala. Gabe
olo do ra laos gabe tubu sungkun-sukun di bagasan rohanta “aha do buktina na
didongani Tuhan au ? aha do lapatanna halak Kristen au?” hal na wajar dope i
ala memang Tuhan i, mangula bahkan Tuhan i sandiri ndang boi idaon dohot kasat
mata. Turpuk on mangajarhon tu hita boha do hita mangadopi dohot
mangantusi kondisi kritis na masa
dibagasan ngolu ni angka bangso ni Debata (na porsea).
On ma na
ni adopan ni bangso Israel dihatiha i, di hamumulak nasida sian habuangan
Misir. Dihabubungkas nasida sian Misir, dihilala nasida lam tu parirna ngolu
nasida, tarida do sian angka ungutungut nasida na sai manalahon si Musa “:
Pasombu ma hami diparhatoban halak Misir, ai dengganan diparhatoban halak Misir
hami, sian na mate di halongonan.” Ala memang dung haruar nasida sian Mesir, di
patangkang Debata do roha ni si Firaun Asa dilele nasida (ay.3). Alai ndang
diantusi bangso i aha do rencana ni Debata disi “Asa tung ditanda halak Misir,
Ahu do Jahowa, ia dung marmulia Ahu di Firaun, di huretana dohot di angka
parsihundulna (ay. 18)
2. Sude na pinatupa ni Debata dingolu ni bangsoNa ima
asa sandok portibi on mananda Debata ima Tuhan na marmulia. Dihilala si Firaun
do di hatihai ibana na paling hebat ido umbahen dipatangkang Debata rohana,
gabe ditahi rohana naeng mamunu bangso Israel di halongonan. Alai disi ma
Debata patuduhon hagogoonNa na so ni antusan ni bangso i. Dipangke nasida do
pingkiranna sandiri gabe madabu tu biar, nunga targogot nasida dihilala, dilele
sian pudi hape ndang adong be dalan haruar. Sangkap ni Debata ingkon tulus do
dingolu ni bangso i. Asa bangso i pe ditanda Debata, jala di haposi hagogoonNa.
Ido umbahen did ok si Musa tu nasida “unang mabiar hamu, marsihohot ma, ai
naeng pauduon ni Jahowa do hamuliaonNa”. Marhite hagogoon ni Jahowa bola dua do
laut, mardalan ma bangso i din a mahiang, alai anggo parangan ni si Firaun dilingkuphon
laut i do. Debata sandiri do na patupahon gabe halongangan dibangsoNa (Psalm
118:23).
3. Jahowa do marporang humongkop hamu, asal hohom hamu.
Hata na mansai pendek alai sangat berpengaruh tu kelangsungan ni pardalanan ni
bangso i. Aha pe memang alasanna tung so taralo nasida do parangan ni si
Firaun, holan Debata na ma na boi paluahon nasida, ido lapatan ni hata on “Supaya
mereka menyerahkan dirinya ke tangan Allah dan hanya mengandalkan Allah” (bdn
Psalm 23). Ndang adong na so tarpatupa Debata, saluhutna do di toru ni huaso ni
Debata. Ibana do Debata na so hea lupa di padanNa. Manang aha pen a borat di
adopi bangsoNa, manongtong do Debata mangurupi (Rom 8:31).
4. Mansai jotjot tahilala songon na hinilala ni bangso
Israel di turpuk on. Di tingki susa ngolunta sai hira ndang adong be
pangalualuan. Tarsosak pingkiranta gabe madabu tu pandelean. Dihilala rohanta
Debata sandiri pen dang olo paluahon hita. Sada do na ingkon ingotonta jala
ingkon haporseanta, dihagaleonta dohot dihasosahan disi do Debata mangalehon
gogo di hita. Idama panindangion ni si Paulus “Dibahen i, sonang do huhilala di
bagasan angka hagaleon, pangaleaion, hasosahan, pangaleleon dohot hagogotan ala
ni Kristus; ai jumpa gale ahu, disi do ahu margogo” (II Kor. 12:10). Tuhan bertindak tepat pada waktunya
dalam kebuntuan, ketegangan, dan ketakutan yang sedang dihadapi manusia dengan
memberikan jalan keluar kepada mereka. Dia menyatakan kuasa-Nya. Pertama-tama
dengan tiang awan-Nya yang membuat malam menjadi sangat gelap sehingga pasukan
Mesir tidak dapat mendekati umat Israel semalam-malaman (ayat 19-20). Dengan
memakai tongkat Musa yang diulurkan ke laut Teberau, Tuhan membelah laut
tersebut sehingga terbentuk tanah kering untuk dilalui umat Israel ke seberang.
Umat pun menyeberang dengan selamat. Dan akhirnya, dengan kuasa dahsyat-Nya
atas alam, Ia menenggelamkan pasukan Firaun di laut Teberau hingga binasa. Tuhan
tidak pernah terlambat bertindak, kuasa-Nya yang dahsyat sanggup menyelesaikan
masalah sebesar apapun. Karena itu jangan pernah kehilangan iman kita kepada
Tuhan. Ia peduli dan akan bertindak dalam kuasa dan kedaulatan-Nya.
5. Songon halak na porsea ingkon mangolu dibagasan
ngolu na manontong manghaposi Tuhan i, ala manang aha pe masa di bagasan ngolu
ni na porsea Tuhan do na manjagasa jala mangalehon hagogoon laho mangadopi na
masa i. Sian Jahowa do ro pangurupi on tu hita
na manghaposi Ibana. Molo tung pe di loas Tuhan i masa parungkilon
dibagasan ngolunta, asa tung tatanda do holan Debata do na tuk paluahon, alani
ndang pangasahononta pingkiran nang gogonta mangadopi manang aha pe na masa di
bagasan ngoluta, asa unang madabu hita tu pandelean alai mardalan ma rap dohot
Tuhan ni disaluhut na masa. Diboto Ibana do gogonta tolap, di boto Ibana do
hagaleonta (I Kor. 10:13b). Paloas ma Tuhan i marporang manaluhon saluhut musum
di tano on, asa tung tarsalpuhon hita sandok galumbang ni portibi on. Tadok ma
Estomihi “Sai Ho ma gabe partanobatoan di au”.
Tidak ada komentar:
Posting Komentar